政府噚日宣布，委任資深大律師黃福鑫，接替轉做高院法官嘅鄧國楨，擔任投訴警方獨立監察委員會主席一職。黃大狀來頭唔小，九四至九五年做過大律師公會主席，四年前港大爆出特首辦被指干預民調嘅鍾庭耀事件，佢係港大獨立調查委員會嘅三位成員之一，有份踢爆路公公係大話精嘅真相。
前年有位陳秀群女士，家境窘迫，但因為幫自己未成年嘅仔遺棄孫兒，被判坐監，一班議員同鄭大班等發起幫佢上訴，黃大狀主動提出免費為事主出庭，結果陳女士獲減刑，即時獲釋。八方希望黃大狀做咗警監會主席，可以繼續佢大公無私，把持公義嘅作風，咁香港就重有番啲希望。
（圖）黃福鑫有份揭開路公公真面目，令港大前校長鄭耀宗落台。
傳真︰2623-9278
電郵︰