基本法委員兼港大教授陳弘毅的確有驚人建議，話可以學法庭隨機抽出合資格市民做陪審員一樣，喺三百萬名合資格選民中，抽出五百名市民入選委會選特首，咁咪好民主咯。
點知八方同港大法律學院院長陳文敏傾開，佢話都唔明解呢五百人有乜代表性，如果作為點綴品，就更加諷刺，根本唔可能。
原來當奴前日都有請陳文敏出席研討會，但係佢有事去唔到。陳文敏自己亦係基本法45條關注組成員，佢話關注組並唔反對對話，所以冇好似民主黨咁杯葛當奴，但佢哋重未有新方案出，因為要時間坐低再傾。
陳文敏有女萬事足，佢話小女兒靖欣歲幾大，好趣怪，放咗工同個女玩吓，乜辛苦都冇晒啦，不過，八方去港大訪問過佢，知道陳文敏有幾忙，好夜都放唔到工。
傳真︰2623-9278
電郵︰