前日土瓜灣美景街的一幢樓宇內發生少夫老妻燒炭自殺案，曾於事發現場附近拍攝外景的無綫電視劇《爭分奪秒》，昨日仍於該樓宇開工，有份演出的譚耀文及袁彩雲等演員不用埋位時，都會望向肇事單位。
譚耀文說：「噚日有記者打畀我先知有咁嘅事，不過噚日唔使喺呢度開工，我亦都試過喺呢幢樓拍跳樓戲。我又唔會驚嘅！我哋冇騷擾到佢哋，佢哋放棄人生行呢條路，對其他人冇關嘅，而且我冇做虧心事。」
不過袁彩雲則顯得有點憂心，她說：「唔講就唔驚，但講咗就有啲禁忌，不過我哋都高幾層，我係第一次嚟呢度拍嘢。」提到以後上落樓會否更小心，她說：「平時都搵人陪，夜晚就更加要啦！」
採訪：王連連
攝影：陳烱威