鄭中基的喜劇細胞自從被發掘後，連無綫都邀他客串演出劇集《皆大歡喜》。日前鄭中基以一身西部牛仔裝在少林弟子面前耍功夫，不單爆肚改劇本，更自度嘔尿戲份，逗得同場演員笑逐顏開，真不枉鄭中基成為新一代笑匠！
鄭中基早前拍罷新片《我要做Model》後，便客串演出無綫劇集《皆大歡喜》，飾演一名來自美國德州的西部牛仔，還要暗戀好姨薛家燕。
日前鄭中基在清水灣拍攝一場到少林寺尋找武林秘笈的戲份，他表示要在短短十日內完成六集戲份，所以連日來都日以繼夜地工作，不過他在片場仍不忘發揮搞笑本色，不止說話故意帶鄉音，又在一班臨時演員飾演的少林弟子面前大耍功夫，更無端狂做拉筋動作，逗得同場演員十分開心，加上拍攝時他七情上面，連導演都不禁笑說：「你啲戲真係拍得住蕭公子（即蕭亮）。」
鄭中基解釋說話帶鄉音其實是導演要求，他說：「因為劇情講我由德州返嚟，係鄉下佬，所以講嘢要帶啲鄉音囉，至於呢場戲就係講趙學而佢哋帶我嚟少林寺拎武林秘笈，點知最後原來只係拍戲，不過我為咗配合少林功夫，事前都拉吓筋鬆吓骨，冇咁易整親嘛。」
鄭中基是片場中的開心果，他坦言不時都會在現場爆肚改劇本，不過他強調改劇本前會綵排給導演看，他笑說：「我成日都爆，但係未必所有都出到街，有場戲係話阮兆祥一腳踢我落公廁度牆，我就諗不如成個人瞓喺公廁嘅尿兜上，跟住再嘔番啲類似尿嘅液體出嚟，我覺得幾得意呀，啲攝影師一睇都笑啦，咁即係掂啦。」
採訪、攝影：駱華齡
