政府猛嗌咪，大學校長做乞兒要自己籌錢，早排城大只籌得七百萬，於是校長張信剛鼓起勇氣親身拜訪富豪，好彩田氏化工廠創辦人田家炳肯幫忙，捐出三百萬，令城大達最低標準一千萬，𠵱家已經籌到五千萬。年初至做城大校董會主席嘅胡應湘，雖然重未落叠，但佢之前做理大校董會主席，就捐咗千五萬。
講到李鵬飛封咪，哥頓話飛哥早兩日向佢澄清，並非批評佢，只係引述鄭經翰批評富豪唔支持直選嘅文章，哥頓話佢一直相信飛哥比較中肯。佢話自己退休後就唔會開咪做主持，哥頓話飛哥可以捱到十三日，佢自己就最多七日，因為佢份人講嘢好直，好容易得罪人。
（圖）田家炳（右）親自為演講廳題字，重同哥頓（中）及城大校長張信剛（左）一齊揭幕。
傳真︰2623-9278
電郵︰