恬妞昨日穿上低胸連身裙現身將軍澳電視廣播城，由於今次是她最後一次以修身堂代言人身份出席宣傳活動，所以特別賣力，手舞足蹈，擺出各種誘人甫士拍照，更差點兒春光乍洩。
恬妞認為自己代表健康的主婦，但是每次都要穿上一些極性感少布的衣服，對於五十六歲的汪明荃最近以泳衣示人，恬妞說：「我未夠資格！」不過一直站在旁的張玉珊則不斷重複說：「三點式，三點式，係啦！阿姐都着囉！」
對於張玉珊的咄咄進迫，恬妞不為所動，她說：「我本身係一個好保守嘅人，其實我接受唔到我自己着成咁，成日都要露，不過我自己又好內疚，因為我甚少幫公司宣傳，所以我都唔知點樣面對公司。今次係我最後一次宣傳，我應該唔會續約，因為唔可以忍受自己着成咁，我已經係露到唔可以再露，所以𠵱家細路女嘅思想都唔知點解咁，其實我係啱拍冷氣、雪櫃廣告多啲。」