天后李孝利拍拖網上曝光

韓國天后李孝利𠵱家咁紅，久唔久就聽到佢同某某男星傳緋聞，但始終冇單係真嘅。最近有一張佢十七歲時，同某韓國組合男成員嘅親密貼紙相喺網上流傳，話佢哋拍過一陣拖咁話，我羅拉一睇就覺得相中嘅李孝利好似日本歌手SONIM。而李孝利嘅事務所就承認張相係佢未出道之前影嘅，不過就唔肯講係佢哋係咪真係拍過拖囉。