昨日大家的注意力都在賣地，好彩成交價都叫做好睇，令小初放假都放得安樂啲。
今日佛誕假期股市休市，小初講吓市場中嘅八卦事，話說美亞（391）早前以每股0.28元，一次過減持9140.625萬股或29.25%智庫科技（8153）股份，袋咗2559萬元落袋。
其後智庫股價無端端抽升，起初重以為係有炒家接咗手貨，想話炒高散貨，點知無耐智庫停埋牌，話有影響股價消息公布。市場傳聞，原來智庫好似搞賣殼。
聽講智庫賣殼係由本地出名有大把錢借嘅證券行做中間人，一位曾經在本港某間電視台主政、在大陸人際關係甚廣的仁兄，將入主智庫，稍後公司亦會主力在大陸搞電視廣播生意。
聽落個古仔就好似好勁咁，但好可惜智庫始終係創業板股份，吸引力始終不及主板嘅股份，但如果計貨源分布同埋size嘅話，智庫貨源就夠晒歸邊，及細細粒容易炒起。
慕容小初