黃凱芹昨日到尖沙嘴舉行新碟發布會，師妹2R自薦到場支持外，更送上香吻恭賀師兄出新碟。2R表示黃凱芹一向照顧她們，2R說：「Welovehim，加上同姓三分親嘛，我哋第一次喺紅館唱歌，都係佢畀機會咋。」
不過2R起初只打算送上飛吻給黃凱芹，但現場人士起哄後，她們才尷尬地親吻黃凱芹臉龐。由於早前有報道指在黃凱芹的生日會上，2R嫌棄咀對方，故Rosanne即解釋：「我哋都係驚現場啲fans唔鍾意，都要睇吓對方要求點㗎！余文樂無喇喇走過嚟錫我，咪大件事。」由於余文樂曾跟Rosanne傳緋聞，Race即時笑說：「樂仔唔會咁衝動，如果真係我會同家姐擋。」
此外，黃凱芹在新碟中會重唱已故歌手張國榮、梅艷芳、羅文、陳百強及鄧麗君的歌曲，另外，他覺得最有難度的是翻唱王菲的《執迷不悔》，因為其普通話發音不夠準確，令他要重錄多次。
採訪、攝影：駱華齡