自從當奴做咗政制發展專責小組嘅領導之後，言行舉止愈嚟愈祖國化，包括遣詞用字，都不知不覺用晒大陸字眼，好似噚日咁，佢阿哥喺政制發展研討會嘅開場白，忽然話敢言係香港傳統，又話香港係個言論百花齊放嘅社會，大家雖然道不同，不等於就不相為謀，叫社會各界及傳媒繼續放膽表達意見。
嘩，咁嘅說話都講得出，當奴唔知真唔知定假唔知，毛澤東當年就係高舉「百花齊放、百家爭鳴」雙百方針叫大家講真話，指出共產黨嘅不是，結果後嚟真心話變係鐵證，反右運動搞到知識分子慘不堪言，老毛重厚顏無恥話呢招做引蛇出洞，問你死未？
當奴唔係老毛，但係都要知避忌，香港人一向都敢言，事關香港一向言論自由，但係𠵱家就覺得講都冇謂，又怕被人秋後算帳，唔准你返大陸或者去你屋企淋紅油，白鴿黨杯葛唔去都有道理。
（圖）曾蔭權喺政制發展研討會度叫社會各界及傳媒繼續放膽表達意見。成啟聰攝
傳真︰2623-9278
電郵︰