噚日政府新聞處一年一度同記者食飯聯誼，承襲殖民地傳統，菜譜中必有一味係咖喱，所以又名「咖喱餐」。不過噚日好衰唔衰，食完咖喱，就係煲呔曾蔭權嘅政改研討會，班記者要喺四十五分鐘內食完餐飯，並由中環趕到舉行研討會嘅灣仔會展。
出席嘅政府部門有新聞處同特首辦新聞組嘅人員，新聞處處長蔡瑩璧今次都算醒目，冇鬧記者，亦唔同煲呔曾爭客，重安排一架車，將出席飯局嘅記者送去灣仔，既令記者食得切飯，又唔會耽誤採訪工作，如果政府吓吓都好似大璧咁識轉膊，唔好將新聞自由當係仇人，就唔使畀市民鬧得咁勁啦。
傳真︰2623-9278
電郵︰