吸引好多香港人每周去打波嘅觀瀾球會，最近賣樓，聽講反應唔錯。八方同球會中人傾開，佢哋話觀瀾入健力士，因為個會一共有十個十八洞嘅場，總數一百八十洞，全世界大晒。八方幾年前去打波，第三個場尚未起好，發展得真係快。
講起觀瀾，有隻古仔值得一提。話說二○○一年老虎仔活士到訪，落場打波，當然有出場費，而出場費要納稅，結果由球會付。大家估吓幾多錢？係四百二十九萬人民幣，可能係當年全中國個人納稅嘅冠軍。至於出場費就冇透露，大家可以推算。
呢個稅額數字，係觀瀾大老細朱樹豪同《南方體育》嘅記者講嘅，唔係一般傳聞。高球明星打場波，收入天文數字，所以噚日四面佛話要禁高爾夫，高球界紛紛話：儍嘅咩。
傳真︰2623-9278
電郵︰