美國玩街頭、日本玩細節、本地薑講主題風格，各地男生品牌各有特色，就算講到夏日必備的簡約T恤，齋玩Pattern都可以有千百種變化。雖然衣櫃閒閒哋都有十幾廿件，但開季新款Tee陸續登場，你必定心癢想買多幾件。而美國街牌Freshjive，香港首間專門店剛剛登陸尖沙嘴，衫褲配件更多更齊，夏季T恤系列絕對要留意。另外加埋本地創作Fingercross及來自日本的多個男牌，平正新Tee大激鬥Action！
記者：梁珮瑜
攝影：黃子偉、陳智良
模特兒：GaryDang@StarzPeople
起源美國洛杉磯的Freshjive於1989年創牌，創辦人RickKlotz熱愛地下音樂及滑板滑浪等X-Game，所以自家設計一系列的街頭服飾及滑板。但Rick當時沒有資金開舖，於是將自己的貨車變身流動商店賣FreshjiveTee，反而更Gimmick更吸引。當其時Freshjive亦會幫一些Hip-hop、地下音樂專輯設計封面，以及為唱片公司設計Logo商標。由貨車流動店變身大熱街牌，Freshjive現已遍及世界各地，在日本更有多家旗艦店。而Freshjive更有贊助不少滑板、滑浪選手及名DJ。
（網址：
起源美國洛杉磯的Freshjive於1989年創牌，創辦人RickKlotz熱愛地下音樂及滑板滑浪等X-Game，所以自家設計一系列的街頭服飾及滑板。但Rick當時沒有資金開舖，於是將自己的貨車變身流動商店賣FreshjiveTee，反而更Gimmick更吸引。當其時Freshjive亦會幫一些Hip-hop、地下音樂專輯設計封面，以及為唱片公司設計Logo商標。由貨車流動店變身大熱街牌，Freshjive現已遍及世界各地，在日本更有多家旗艦店。而Freshjive更有贊助不少滑板、滑浪選手及名DJ。
（網址：
Freshjive的T恤風格簡約實用，主打Oversize衫身設計及有意味、玩嘢圖案，每季都有新驚喜。但夏季新貨部份改玩時裝Slimcut，收身剪裁唔再係超大碼板仔Look，T恤圖案就繼續簡而精。
香港首間Freshjive專門店，位於Shopping新蒲點尖沙嘴新港中心。佔地700多呎唔算超級大舖，但勝在五臟俱全、簡潔寬敞，跟足美國專門店的設計擺設，原汁原味。
Freshjive（27353070）
尖沙嘴新港中心1樓132舖
香港男生愛着街頭品牌，Oversize加大碼T恤是心頭好。但Freshjive今季Tee款都轉玩收身細件啲，所以你都係時候玩多元化，試吓日本代官山斯文派的NormalSizeTee，設計型仔着重細節，今次新返東瀛牌子又平又正，推介畀你絕對抵買！
售賣點：attic（27353799）
尖沙嘴新港中心3樓61舖
本地薑Fingercross今季主題係「ReggaeGrooves」，大玩牙買加風情。主打椰樹迷彩、BobMarley等充滿牙買加風味的圖案，感覺悠然自得，又有強烈跳動節拍的音樂熱情。加上簡約又着重細節的設計，係咪Reggae迷都應該會鍾意。
售賣點：double-park（28828601）
銅鑼灣百德新街58號地下A舖
