水着女星小倉優子恃住自己紅，啲寫真集副產品真係出完一種又一種，今次重玩埋扭蛋機。前日佢就舉行咗個握手會，慶祝佢嘅第一部扭蛋機「小倉優子Ver.1.0」誕生，嗰部機有三十款佢嘅水着相任fans扭，佢重話：「我冇諗過自己會變成玩具㗎！」不過話時話，扭明星相呢啲咁嘅玩意喺香港同喺日本，都有咗好耐啦喎！