乘客位踩到個Brake?

乘客位踩到個Brake?

早陣子英國有個傳媒網站報道,雷諾Megane在英國因要由左軚轉右軚關係,乘客隻腳竟可以觸及原本受左面迫力控制的圓筒形連桿,從而影響到車身的煞車系統。香港代理一聽到呢個消息,就立即搵個無人嘅地方試車,睇睇係咪如報道所講會受乘客「腳多多」之故而影響行車。據代理講,佢哋試咗好耐都未有以上事情發生,而且諗極都唔明點解喺無腳踏嘅情況下,只用腳觸及連桿就可以控制行車,所以認為呢個傳媒嘅報道可能有誇大之嫌。

記者:曾順珍