田少直選去意已決，今晚召集黨員上佢山頂間大屋開大會，大家摸住酒杯底、望住無敵維港海景共商大計，據講田少已私下同人講要物色「行宮」，幫佢格吓沙田幾間酒店包月價錢，事關佢住喺山頂，稍後日日晨操晚練拉票，朝朝頻撲由山頂過海入新界東，不如索性租酒店住，上火線直接指揮重着數。田少住慣山頂大屋，住唔住得慣酒店呢啲咁粗嘅地方呢？
除咗行宮，田少亦度緊搵邊個幫佢做選舉經理，八方聞說黨內有人建議由田太做總指揮，以示夫妻同心，咁就其利斷金嘞，不過田太不沾政治，要佢出馬都唔係咁容易，夫妻檔焗住上，就算輸咗都心甜。
傳真︰2623-9278
電郵︰