劉德華昨日由康城返港，約在傍晚六時出閘，三十多名fans一早到機場等候兼獻花，華仔揹着斜孭袋，袋上寫着：「你精彩的演出在戛納（康城）大獲成功」，還附有張藝謀及金城武的簽名。
華仔說：「係大會送畀我，張藝謀簽咗名，佢話恭喜我嘅精采演出，可能係𠱁我。」對於張曼玉膺康城影后，華仔說：「我搭緊飛機唔知呀，恭喜佢！」
至於《2046》大熱倒灶，該戲所有人都缺席頒獎禮，被指有欠風度，華仔對此說：「唔會，我唔知情況，可能佢哋都有工作在身，其實套套戲都好平均，係《2046》比較受尊重。」華仔可想奪得康城影帝？他笑說：「有排啦，太遙遠嘞！」問華仔對《2046》有甚麼評價？他說：「照王家衞嘅講法一樣，係佢嘅心血。」
採訪、攝影：仇志德