八方早兩日去咗昆明短暫一遊，舉目一望，以為重喺香港，因為當地嘅單層巴士同香港新巴一樣顏色，細看之下，原來係新世界巴士喺昆明投資嘅昆明新巴，唔單止將啲巴士髹到同香港新巴一樣顏色，連車長制服都一樣。
八方同昆明新巴嘅負責人傾偈，佢話新巴車長喺當地都算受歡迎嘅職業，因為月薪有一千三百至一千四百元人民幣，每日返七至八粒鐘，算係優差，所以唔少大學生都做咗佢哋車長，更有模特兒學校畢業生。八方所見，唔少車長身形都好fit，有啲女車長條腰幼過二十吋，直頭可以做纖體代言人。負責人話唔係新巴工作辛勞，係同昆明人飲食習慣有關。又係喎，昆明確實唔多見肥人，可能因為食辣，又多吃菌類，各位如果想纖體，不妨參考吓。
傳真︰2623-9278
電郵︰