如果係標準機迷，每次一開機打幾個鐘真係等閒事，如果遇RPG大作，真係打到唔放得手，撞到呢個情況，最麻煩就係成個GamePad都係手汗，一來唔衞生，而且重會影響到打機嘅操控。
日本NYKO最近好體貼地出咗一隻特製GamePad──AIRFLOPC，手掣底部特別加咗一個抽風系統，然後再喺握手部份加咗好多個細小出風位，包你打幾耐機都一樣咁爽；而且最體貼係佢會直接由USB取電，唔使你左駁右駁。至於按鍵設計方面，除有基本嘅8個方向鍵，同6個攻擊掣外，重特設有2支Analog操控桿，絕對切合到你唔同打機需要，據知AIRFLO除咗今次介紹嘅有PC版外，其實重有PS2、XBOX等家用遊戲機版，機價$2,972日圓（約港幣$200），價錢唔算太貴。
記者：朱崇德