江蘇省蘇州崑劇院為台灣名作家白先勇圓了多年夢想。由白先勇策劃的青春版《牡丹亭》過去一連三晚喺沙田大會堂演奏廳公演上中下本，座無虛席，全場觀眾起立鼓掌，令人感動。如果大家以為香港人唔識欣賞傳統崑曲，肯定搞錯，八方係門外漢，但都一樣死充，睇得好投入。
班票友老中青都有，睇完幾百人留低同白先生以及兩位崑劇老前輩汪世瑜及張繼青交流。白先勇見到套劇喺港台都咁受歡迎，好開心。
大家問佢點解偏愛《牡丹亭》？白哥哥話人間最可貴在一個情字，而明代大劇作家湯顯祖筆下呢個歌頌愛情劇目，上天下地，超越生死，佢認為愛情故事始終受歡迎。今次大膽起用沈豐英同俞玖林兩位青年演員，結果演出都被觀眾受落，不過席上就唔見半個高官。吓，唔通一定要喬曉陽做崑劇解畫員，班嘢先至唔敢唔到？
傳真︰2623-9278
電郵︰