台灣歌手羅大佑一向關心政治，估唔到佢連開演唱會都離不開政治，羅大佑前晚喺台灣新竹清華大學舉行演唱會，對於美國要求台灣出兵支援伊拉克戰爭，佢表現好不滿，當晚唱完歌後，羅大佑喺台上公然攞本美國護照出嚟，當住千幾個觀眾面前剪爛佢，本護照佢喺1992年攞到，佢重話下星期會去申請撤銷護照，羅大佑重好氣憤咁話：「美國是老大，我們政府跟着這個全世界最大的航空母艦，一步步被拉向危險的未來。」
講講吓連台灣總統選舉都關美國事，羅大佑話：「從總統槍擊是假暗殺案，就可以看出美國一直在背後操控台灣政府。」佢話台灣人都唔想同對岸開打，點解要為美國人打？
（圖）羅大佑當住觀眾面前剪爛本美國護照。
傳真︰2623-9278
電郵︰