各位一級方程式跑車同埋古董車車迷要留意啦，如果你想一嘗充當跑車手嘅滋味，同埋做善事幫助一啲窮苦家庭，咁六月五日呢個約會你就千祈唔可以錯過啦。
我哋嘅姊妹機構「壹本便利」雜誌，將於六月五日（星期六）喺西貢海天白石高爾夫球場及燒烤樂園搞個「週末好玩嘉年華」活動，答謝讀者多年嚟嘅支持。
為咗令呢個活動更加有意義，主辦單位特別加插咗一個名為「拍出真心攝影比賽」嘅慈善項目，由香港汽車會提供的2004年一級方程式戰車、古董跑車同埋小童跑車，善長只要捐出十至二十蚊，就可以與一款名車影靚相，車迷更可坐上古董跑車或小童跑車拍照留念。
另有遙控車大賽，收益同樣撥捐蘋果日報慈善基金作慈善用途，場內還設有多個攤位遊戲。
有興趣報名嘅朋友，可以致電：27442938向「壹本便利推廣有限公司」之「搵車快線」查詢。
暖流熱線
電話：29908688
傳真：23702192
電郵：
網址：