名模MaggieQ前晚舉行派對慶祝二十五歲生日，她自爆與翻版吳彥祖男友Daniel甩拖，但芳心卻絕不寂寞。到賀的薛芷倫則表示十四歲女兒遺傳她貪靚個性，閒時兩母女串珠仔、做首飾。
混血名模MaggieQ前晚在中環KeeClub舉行慈善生日派對，慶祝二十五歲生日，並為AnimalAsia援救黑熊行動籌款，全晚共籌得約五萬元。眾多圈內外好友如曾與MaggieQ傳緋聞的陳冠希、黃家諾、張燊悅、徐文玠和陳加玲等到賀及支持。
壽星女MaggieQ身穿LouisVuitton大露背淺金裙於十一時多到場，她獲贊助戴上總值近四十萬元的Bvlgari全新Astrale鑽石系列，風騷雀躍說：「我好鍾意動物，希望大家大方啲捐錢。」問她翻版吳彥祖男友Daniel為何不在場？她竟說：「我冇男友，亦唔渴求男友，我好享受一個人嘅日子，我只希望開心。」至於與Daniel的關係，她則說：「我今年喺朋友度得到好多愛，要更加努力工作。」
MaggieQ前晚滿場飛，對每個來賓都熱情擁抱及錫面，連曾傳緋聞的陳冠希亦不例外。她玩至三時半與友人坐的士轉場到夜店Propaganda，繼續蒲到五時半才離開。
前晚薛芷倫亦有捧場，她戴上自製的閃石頸鏈說：「我成日同個女一齊做首飾玩，佢都遺傳咗我貪靚嘅個性，不過我唔會咁快帶佢出嚟，始終佢得十四歲，讀緊書有自己嘅世界，佢𠵱家好乖，我都想佢保持童真。」薛芷倫又表示閒時寫書及散文，希望出散文集，問她可會出自傳？她則笑說：「唔知大家有冇興趣呢？」
採訪：JessicaNgan
攝影：MatthewLam、娛樂突發組
