許志安、李克勤、杜汶澤、鄭伊健與譚俊彥等前晚在灣仔稅務大樓拍攝新戲《六壯士》，劇情講述眾人相約跳樓，譚俊彥跌落樓後被送上救傷車，飾演其女友的前Cookies成員Serena則不停哭叫。
伊健表示他們在搭建的鐵絲網小台上扮跳樓，感覺很不安全，他說：「現場有啲曱甴，安仔好怕，克勤又畏高，杜汶澤就兩樣都驚，搞到大家都好驚。」克勤則說：「伊健好溫柔呀，佢同我話有佢喺度唔使驚，做佢女朋友就真係安心。」
克勤又表示平時與安仔及伊健未埋位會聊天，但安仔表示若三人是女人會較浪漫，杜汶澤竟說：「係我就帶女仔返屋企好過。」此外，伊健日前接受有線訪問不慎說了一句廣東話，他說：「冇問題，無綫唔會咁小氣。」
採訪：陳梅香
攝影：林德雄