約六十個兒童噚日入主立法會議事堂做議員，學晒啲議員討論政府政策。
呢項活動由兒童議會統籌委員會舉辦，佢哋噚日提出三條同兒童有關嘅動議辯論，分別係要求政府畀兒童參與教育改革、制訂幫助貧困兒童政策，以及防止校園欺凌政策，都係涉及兒童嘅權益，當然順利獲得通過，唔知政府會唔會理佢哋嘅決議案呢？
佢哋雖然未夠秤，但辯論起上嚟頭頭是道，有條有理，一啲都唔怯場，最重要係無晒大人議員咁有政黨立場，可以講出心底話，唔使背住良心講嘢，令到成個議事堂空氣都乾淨好多。噚日為佢哋主持會議嘅「正規」議員係李華明同劉健儀。
（圖）六十個兒童辯論起上嚟有板有眼，重可以講出心底話。 馬泉崇攝
傳真︰2623-9278
電郵︰