麥當娜師傅抵港收徒
MaggieQ伍詠薇爭學瑜伽絕招

曾教授麥當娜瑜伽功夫的大師DuncanWong，應黃佩霞之邀來港為其開設的PureYoga授課十堂。前晚Duncan在銅鑼灣示範一系列高難度瑜伽動作，圈中愛好者如MaggieQ、何韻詩及伍詠薇慕名而來一睹他的絕活，並且爭相報名上堂。

黃佩霞邀得瑜伽大師DuncanWong，來港為她開設的學校PureYoga授課。Duncan來頭不小，外國歌手如麥當娜、Sting及Bjork等也跟隨他學習瑜伽，但他這次來港授課，並沒有索取高昂學費，如往常收取二百元一堂，前晚有份到銅鑼灣看Duncan作示範演出的瑜伽迷MaggieQ及伍詠薇，便第一時間報名參加。

「唔做重唔自在」
伍詠薇表示本計劃三月往印度參加一個由瑜伽大師授課的一星期課程，她說：「費用唔平㗎，要成五萬蚊，但係都好早滿咗額，去唔成。」
另一位到場一睹Duncan精采示範的何韻詩，她表示現時每星期都會玩四次瑜伽，她說：「以前我肩膊有問題，玩咗瑜伽情形已經改善，𠵱家唔做重唔自在㖭，玩咗瑜伽連條氣都順咗，對唱歌好有幫助，講嘢都大聲咗呀。」不過她自謙仍然未能做到升起及倒立這些高難度動作。
MaggieQ前晚則與胞姊Andria結伴出席，她一見黃佩霞即熱情叫她「媽咪」，問她昨晚於中環KeeClub舉行的慈善生日派對，她說：「我咁大個女都係第一次請咁多人同我過生日，因為我想大家將本來送禮物畀我用嘅錢，捐出嚟畀『AnimalAsia』。

「叫晒有錢朋友」
「因為我上網睇到啲黑熊好可憐，畀人困喺個籠度，重要劏佢哋個肚，插支管入去抽佢哋嘅膽汁，我已經盡量叫晒我啲有錢朋友嚟，最衰鄧永鏘唔喺香港啦。」
採訪：DebbieLum
攝影：MatthewLam