日本型男木村拓哉前日接受訪問，直言不喜歡別人遲到，所以當知道拍了四年的新片《2046》母帶延遲運抵康城，感到十分詫異，更表示很難講會否再與王家衞合作。木村昨日又臨時更改行程，於晚上離開康城。 記者何永寧、何國豪康城直擊
木村拓哉拍攝王家衞執導的新片《2046》足足四年，一心要開拓海外市場，但木村在該片的戲份不算多，前晚他與梁朝偉等在《2046》的記者會中，被問到演出此片的感受時，木村以日語說：「日本同香港兩個地方拍戲完全唔同，拍港片完全冇劇本，我要放棄日本嘅工作模式，學習新事物，逐步從學習中吸收經驗。」
問木村會否再與王家衞合作？他大笑說：「我已經幫佢拍咗好多片，好似一個人食到好飽咁，會唔會再合作？暫時好難講，不過今次到康城我好開心，因為可以同番呢部戲嘅演員見面。」
木村在《2046》首映禮後，接受日本傳媒訪問，由於木村多次被指不滿王家衞，日本記者特別關心他對影片在最後兩小時才抵達會場的想法，木村苦笑說：「呢件事我都有聽聞，我本身唔鍾意人遲到，所以講真我知道時都有『吓？』嘅感覺。」
對於在首映禮上觀眾站立拍掌多時以示激賞，木村表示當時覺得很「怕醜」，他說：「見到咁好嘅反應，令我覺得有啲嘢真係錢買唔到。我當時重諗『拍到幾時呢？』，我同張震個肚都打緊鼓！」而日本報章昨日大事報道木村在戲中與王菲有激吻鏡頭，又指雖然木村只有七分鐘的戲，但在各國正式上映時會有所增加。
原本木村昨晚安排了一個私人記者會，後來改在前晚舉行，木村本安排在頒獎禮完畢才離去，但他突然決定提前於昨晚九時離開康城，只差幾小時就公布賽果，真想不到木村專程來康城出席影展，但看完首映後，他的行程全部改變了，連賽果還未公布就返回日本。
而在首映後的記招上，王家衞給木村高度評價：「起用木村果然冇錯，相信佢同其他國際級嘅導演都會合作得好好！」
