男高音歌唱家莫華倫首次做導演嘅歌劇《森遜與黛麗拉》前晚喺大會堂上演，佢話做導演辛苦過唱好多，因為要睇住budget嚟用，大呻政府對藝術嘅支持不足，「好彩今次有貝沙灣贊助，政府嘅贊助就好少，淨係畀嗰個場地我哋，其實歌劇對香港嘅形象係有貢獻嘅。」莫華倫舉例話，德國同法國嘅歌劇係百分百由政府支持，韓國都有十幾間搞歌劇嘅公司，香港呢類民間團體就得佢一間，所以希望申請資助鬆啲手。
佢重炮轟香港舉行歌劇嘅場地嚴重不足，只得三個場，最好嘅文化中心一年都book唔到期嘅，而內地已經急起直追，上海年底都喺浦東起新文化中心，北京同深圳又會起新場地。最後佢重呻今次招待班法國歌唱家遊山頂、避風塘都係自己出錢嘅，又真係值得同情。
（圖）莫華倫大呻政府對藝術嘅支持不足。
傳真︰2623-9278
電郵︰