正式入行只有短短兩年嘅AvrilLavigne，已經係全球知名嘅樂壇偶像，雖然外國報章曾經傳佢近期恃紅生驕，好難服侍，但佢喺台場開騷之前，專登抽時間喺涉谷佢下榻嘅酒店同嚟自亞洲區嘅fans見面，全程都表現得非常友善，絕無擺款。 坐地拆禮物 Avril收到韓國fans送咗一盒大禮物，佢即時興奮得坐喺地下拆禮物，完全不拘小節，佢開心拿住盞燈影相之外，亦同台灣、韓國、印尼以及喺本地參加遊戲得獎嘅fans一齊合照，Avril亦坐喺地下為fans簽名，令到fans又緊張又開心。