花絮

佐敦盃門票炒價＄800
今次佐敦嚟香港，由於全程都只係俾傳媒採訪，所以普羅大眾好難見到佢；而唯一對外公開嘅佐敦盃門票就變得非常渴市，喺網上更一度炒至八百元，不過台灣重誇張，炒到成二千港元一張都有價有市。

入樽賽畀分難到「飛人」
講開佐敦盃，今次可能見飛人嚟到，就搞咗個入樽賽，重搵咗幾個小將參加；不過睇嚟佢哋喺佐敦面前太緊張，五個入面有四個球員都失手，搞到負責評分嘅佐敦都唔知點畀分好。

蔡芳裕真係高過佐敦？
賽前已經聲言話要同佐敦「一較高低」嘅蔡芳裕，喺帶領所屬球隊勝出佐敦盃後，攞獎時就專登企埋佐敦身邊度高，經過我哋一班行家的驗證，好似蔡芳裕真係高過佐敦少少。

「神像」最似係耳朵
喺佐敦珍藏展入面，除咗有佐敦牌展品，大會重專登搵咗著名嘅模型家EricSo幫佐敦整咗個figure，不過睇落就唔係好似，難怪問到佐敦，佢會話最有佢神髓嘅係耳仔啦，因為根本冇地方似。