立法會先禮後兵，噚日中午宴請董建華同二十幾位高官，今朝立法會調查沙士嘅專責委員會，就會喺禮賓府同阿董閉門會面。阿董會由林煥光及楊永強傍住，雖然唔帶律師，但特首可能擔心出事，所以唔准委員會錄影錄音。有委員同八方講，當日阿董同領導班子開會時，曾有某成員講，處理沙士要考慮經濟因素，至於邊個講呢句話，估計阿董會玩失憶。
講返噚日嘅午宴，漁農界代表議員黃容根特別推介泰安雞，話希望特首食過之後，更支持本港農業喎。
而民主黨李華明一見李少光，以手扮手槍向李局長頭部「開槍」，其實佢係向李局長投訴，早前行街時有個阿伯用手指住佢額頭，話要打靶槍斃佢。李局長話如果對方冇掂到佢，就冇犯法。估唔到政治暴力成為午宴嘅話題。
傳真︰2623-9278
電郵︰