李嘉誠次子李澤楷任主席的電盈（008）有意向網通出售固網業務，問超人點睇。佢話「電盈都無講任何嘢」，自己不適宜評論，但相信個仔唔會賣晒啲固網業務。
其後，有傳媒又問李嘉誠是否覺得電盈是「失敗的生意」，誠哥即為愛兒辯護：「唔可以咁樣講，以PCCW來說，若呢間公司上市時你買佢股票，今日你重係賺大錢。我相信作為一個父親，係希望澤楷能做到每個人都喜歡，但呢個唔可能，連神都做唔到，但係我知道佢一定會以股東為重。」
和黃股東大會完結後，霍大班突然俾一個小股東捉住投訴。佢話有股東舉手問問題，但無人理佢地。佢話和黃投資好多錢做3G，都想了解下3G發展前景，重話「和黃做法唔似中電、恒生的大公司……好多股東都滿頭白髮，有人『坐艇』依然捧場。」見慣大場面嘅霍大班，只好話會同李生同公司秘書反映一下。
由於出席的和黃股東太多，也出現小插曲。一位股東在輪候登記入場時候，因不滿被在場的攝影記者拍照，雙方發生口角及指手劃腳，期間更有人報警，結果勞煩便裝警察哥哥到場，最後也能調解了事。