緋聞愈傳愈盛空穴來風
戴夢夢被小器男人綁10年

戴夢夢近日與經理人陳雅謙傳戀聞，日前夢夢竟向男方大派檸檬，彈他眉窄小器唔靚仔，還說對方不是她要的類型。夢夢透露去年與對方簽訂十年賣身契，故未來九年也要被綁。

戴夢夢最近與經理人陳雅謙傳戀聞，日前她在緋聞男友陪同下於中環接受訪問，但夢夢竟當場向對方大派檸檬。
夢夢說：「在公，佢係我嘅好拍檔，在私，佢亦係我好朋友，啲人要咁講都冇辦法，我哋都唔會刻意避忌。」問她覺得陳雅謙為人如何？她即笑說：「佢幾好人，但我成日話佢小器，因為佢堂眉生得好埋，阿媽話堂眉生得埋係小器，講笑啫，佢唔易嬲嘅。」

「咪閂我後門」
問夢夢與陳雅謙可有機會發展？她說：「佢又唔係特別靚仔，大家年紀差咁遠，都冇諗過會同佢有冇發展機會，最重要嘅係he'snotmytype!我覺得好笑㗎，呢次係第一次正式傳緋聞，我重諗住傳緋聞會係有型靚仔嘅藝人㖭！」
夢夢續說：「其實我拍拖唔係要以貌取人，對方錫我、大方體貼、心地好、思想成熟就夠，拍拖要有feel，但佢對我好似哥哥照顧細妹咁，咪閂我後門呀，搞到啲人唔敢追我！」

「愈避忌愈衰」
夢夢去年簽了十年賣身契給經理人陳雅謙，在未來九年也要被對方綁着，未知她會否擔心緋聞愈傳愈盛？她說：「會呀，不過冇辦法！」
而陳雅謙則強調沒有追求夢夢，他說：「我哋會照常做嘢，唔尷尬嘅，愈避忌就愈衰。」
採訪：朱倬誼　攝影：陳偉權
化妝：PollyDang
髮型：Dan（Orient4）
服裝：att.　場地：Orient4