落選華姐徐自賢及歌手吳浩康昨日往金鐘，為西武演出青春服裝騷，同場有模特兒示範D&G比堅尼。穿短裙的徐自賢雖不及穿泳裝的模特兒性感，但以笑容和甫士搭夠。
落選華姐徐自賢及英皇歌手吳浩康昨日往金鐘太古廣場西武，演出「SummerBlues」fashionshow，與多位模特兒示範西武旗下青春服裝包括AllenB、Juicy、BlueBlood等，其中有模特兒示範Diesel及D&G的比堅尼泳裝。
示範短裙的徐自賢雖不及穿泳裝的模特兒性感，但她以笑容甫士搭夠，一樣十分搶鏡。徐自賢謙稱自己沒身材穿比堅尼泳裝，最不滿意自己有個小肚腩，三圍數字她則報稱腰圍二十五吋，理想減至二十三吋，上圍則是34B。
問徐自賢有修身堂作龐大後盾，會否考慮豐胸？她說：「我夠啦，我好滿意個胸，如果升咗cup咪要買過晒啲胸圍，好嘥錢啫。」她表示女星中最欣賞朱茵的身材，她說：「因為佢大得嚟好自然呀。」再問她修身堂遭人上門恐嚇一事，她表示不會因此而減少返公司，亦不會八卦向老闆張玉珊多問。
吳浩康則透露最近積極增高、增肥，他說：「我得二十歲，重有得發育㗎嘛，我𠵱家每日食十幾餐，重係多食多餐㖭，有時重會搵埋Isabella一齊食嘢，同埋搵Boy’Z嘅Steven一齊打籃球。」
採訪：DebbieLum
攝影：ChanChiLam
