李鵬飛突然「劈炮」不再擔任《風波裡的茶杯》主持，甚至連港區人大代表職務也辭去，對市民大眾及政界都造成震撼。來自民主派及親北京政界人士不約而同認為，事件除了動搖了香港新聞自由外，更凸顯中央不惜代價也要收緊對香港控制的決心，有溫和左派人士更私下說，溫和言論在親北京陣營已沒有空間，「你唔係朋友，就係敵人」。
有民主派立法會議員透露，數天前他們曾與一名政見溫和的親北京人士碰頭，對方劈頭第一句就說：「我就快要『閃』開！」該人士形容目前中央對香港控制是前所未有的嚴，所有人都要「歸隊」，表態支持中央決定，否則只有兩個選擇，「一係就『閃』開，好似佢咁行開一排，一係收聲，唔好批評中央同特區政府」，想到不過了數天，李鵬飛已成為第一個溫和愛國人士的「犧牲品」。
該民主派議員又透露，飛哥「劈炮」後，他們曾私下碰頭，評估形勢，他們初步從各渠道收到訊息都顯示，「喺9.12立法會選舉前，北京對香港控制只會愈收愈緊，今次係『兩支咪』，遲啲就會到『一報一刊』」。民主派可以做的事情十分有限，「𠵱家民主派做乜都會俾人『砌』為選舉造勢，𠵱家只有靠市民自發，每個人都出一分力去捍衞應有嘅自由同民主」。
熟悉中國政治的時事評論員劉銳紹也同意，北京會對香港愈收愈緊：「北京仍然覺得控制唔到香港𠵱家局面，所以要求嘅安全系數要超高，唔只係百分一百，而係要百分二百。」
但劉銳紹認為北京就算控制了傳媒，也不代表可以控制民意：「你話𠵱家政府喺傳媒聲音少咩？問題係同民意脫節！」
本報記者