數碼相機當道，由十幾歲到幾十歲都話人手一部，不過普遍都只係識㩒個快門掣就叫影相，好多都唔明點解影極都唔夠人哋靚。
其實市面已有多款DC技巧教授嘅工具書，懂得當中幾個重點概念，已能大幅度改善，不過若然想更進一步，同大師級睇齊嘅話，不妨留意啱啱推出嘅《數碼攝影進階》，上集初階版銷售同口碑都唔錯，好多玩家話唔夠喉，今次呢本進階版就對啱口胃。書內不但解釋單鏡反光鏡機原理及運用，而且設有多個實戰示範，睇後令人有種恍然大悟嘅感覺，而相片經數碼化處理後，色彩管理便變成相當之重要，書中亦有詳細涉及應用技巧，令一眾拍友較易掌握各種用色概念，咁深入實用嘅資料喺其他書真係好難見到。
記者：徐影龍