薛家燕（好姨）昨日與Twins出席職業安全活動，她們皆表示在工作時曾遇過不少意外，好姨表示有次在片場險些被水銀燈砸傷，幸好因「為食」而救了自己一命。而Twins在拍《千機變》時則要日日望住天花板，恐盞燈跌下來。
女子組合Twins的蔡卓妍（阿Sa）、鍾欣桐（阿嬌）和薛家燕昨日一同出席由職業安全健康局舉辦的活動，還擔任「榮譽職業安全健康大使」，而早前她們更為這個活動拍攝宣傳海報。
在活動上，好姨和Twins不約而同表示曾在片場遇過不少驚險場面。阿嬌說：「我哋喺拍《千機變》嗰陣時，試過有日因為好大風，吹跌咗盞吊燈同埋啲木板，重撞到個工作人員嘅頭，所以我哋之後日日都望住塊天花板，怕佢會跌落嚟。」
好姨則說：「記得三十年前我喺片場拍戲，喺個廠入面瞓瞓吓覺，諗住彎起身攞個麫包食，好彩我為食，因為起身後頭頂嘅水銀燈就跌咗落嚟。而我拍《黑玫瑰》時就整親膝頭，𠵱家都未好番，落樓梯都冇力。」
此外，被指因患有抑鬱症而沒有出席無綫於上周六舉行的《心晴行動抗抑鬱》節目的阿Sa表示：「之前又話我有精神病，點解偏偏要話我？我當時去咗泰國工作，唔通我額頭寫住『抑鬱症』？話我瞓唔到，係人都試過瞓唔着啦，好正常啫，我又唔使食藥。」
對被指有意搬屋，但因爺爺身體不好，故希望爺爺能和她同住，由其父親照顧，阿Sa說：「𠵱家都未諗搬去邊，亦未睇過樓。可能我個樣生得普通，好多人都似我，所以被誤會我去睇樓。」
採訪：王連連 攝影：陳烱威
