莫文蔚拍廣告　布景沙漠當放假

莫文蔚（Karen）最近成為化妝品牌MaxFactor新產品代言人，日前她於錄影廠內拍攝全新一輯電視廣告，Karen穿上一襲由名設計師StellaMcCartney設計的吊帶裙出現，而為了配合主題，廣告商特別搭建了一個滿布仙人掌的人造沙漠作拍攝背景。

經常盪鞦韆
Karen眼見錄影廠變成「沙漠」顯得高興萬分，更表示今次真的可以寓工作於娛樂，她笑說：「已經有成年冇放假喇，一見到呢個布景就覺得去咗墨西哥咁，就當係去咗沙漠曬太陽、度吓假啦！」
除能夠置身於「沙漠」，Karen又有機會在鏡頭前盪鞦韆，她更自爆自己小時經常到公園盪鞦韆，更早已練出一身好「武功」呢！