舊年七一之後，老董話過會改善施政，例如會委任多啲「不同聲音」入諮詢架構，講咗咁耐，噚日終於見到有啲郁動。老董宣布，委任大律師公會主席陳景生入強積金管理局做非執行董事，接替做咗法官嘅鄧國楨。陳景生由舊年反對23條講到𠵱家反釋法，已經被歸入「反中亂港」人士，老董今次敢委任佢入積金局，唔知有冇請示過土共？若果冇，以佢現時處境，後果可大可小。
聽講中方對班大律師始終都十分之忌，因為佢哋受英式教育，屬於高等華人，具有高度理性思維，對外國投資者來講零舍受落，佢哋出聲話反對，中方都唔敢即刻打壓。今次擺個大律師入去，頂多點綴吓，要佢哋思想行為中國化，相信好蝦阿董。
傳真︰2623-9278
電郵︰