鄭中基客串演出十集無綫劇《皆大歡喜》，在劇中扮演一個西部牛仔，還會跟薛家燕（好姨）發展一段超友誼關係。昨日鄭中基首日到將軍澳電視廣播城開工，好姨說：「今日NG太多，笑到拍唔到，佢唔使點做都好搞笑。」
好姨更自度一場戲與他合演，好姨說：「有段《鳳陽花鼓》，可能會度一場咀戲，我就唔抗拒，不過我驚千嬅抗拒，我驚我可以代替到千嬅，因為我都係大笑姑婆。」
鄭中基對於要與好姨咀嘴說：「我唔介意，不過我驚觀眾投訴。」有報道指張燊悅在一個派對上「𠝹」鄭中基，鄭中基說：「邊有啊！我唔覺，唔會啦！佢係我堂哥細佬個女，我入行之後先知係親戚。」
採訪、攝影：楊潔雯