自己做：
萬用沙灘裝公眾地方變私人空間

去公眾沙灘游水，一樣可以有私人空間！
唔係講笑，只要帶備以下小架生，可以即時擁有絕世好賓、臨時小雪櫃、私人更衣室等等等等私人又貼身享受；從此，再多人、再擠迫嘅沙灘，都毋須卻步！

記者：李玉蘭　攝影：陳陶鈞
ImageGirl：Sara（ImagineLtd.）

掛乜都得閃腰帶扮絕世好賓
想喺公眾沙灘玩得如意，最好有人服侍，要嗰樣有嗰樣！但帶菲傭出動太勞師動眾，都係帶個有多多活動環鈎嘅方便腰帶，既搶眼又可掛齊所需；四圍騰都毋須提防小手！襯埋頂太陽Cap帽，一Set過重Sharp！

材料：
螢光膠片1張、螢光膠帶1碼、插扣1個、手鐲3隻

步驟

一物兩用慳位沙灘蓆＋涼浸浸索袋
去火辣沙灘最好可以不時歎個冰涼飲品，去人多沙灘最好有私家位「落腳」……如果你對沙灘同樣有這兩個要求，記住索住呢個可以變小蓆嘅隔熱袋出場！用特別的保溫珍珠棉做材料，特性是可隔走熱氣，保持飲品清涼。把它做成索袋，猶如帶了迷你雪櫃出街。設計得宜，更同時可把索袋打開，變身一慳位沙灘蓆，認真實用！

材料：
保溫珍珠棉2碼、銻鏈3碼、海豚公仔2隻、魚絲

步驟

三合一沙龍變私人更衣室
公眾泳灘更衣室格數有限，人多兼無遮無掩！如果想隨時隨地變裝，何不自備私人更衣室？不是天方夜譚，只需用布縫製一可容下大半身的大布袋，遇到泳衣Top走位或想着番條短褲仔時，就可隨時隨地捐進布袋內更衣。不把索帶索實，其實又是一幅長形布，可纏實作沙龍在沙灘漫步。嬉水前後，這又是一個超級好使好用的大布袋，一次過載晒沙灘裝備，重一次過滿足你三個願望！

材料：
花布2幅各2碼、絲帶2條各3碼

步驟
2幅布各剪成50×46吋（或按身形剪裁），預留黹口位，布面對布面將左、右、底邊縫合，反轉即成大袋形。最後在頂端（50吋位）向內摺下2吋，穿過絲帶、縫合好做索帶即成。

小秘技
——若然有許多隨身物需纏在腰帶，可剪兩條膠帶叠起來做，以加大承托力。
——製作小蓆索袋時忌大力，免擦爛隔熱袋表面。嫌蓆子面積小可加大尺寸。
——做更衣室沙龍宜選擇具彈性、不透光的衣料，這樣換衫就更方便容易。