澳門新賭場開幕萬人空巷，可見中國人經濟幾咁有「食力」，不過中國人唔淨係一味識賭嘅，澳洲《時代日報》噚日就報道喺墨爾本一個拍賣會上，有個中國買家透過香港代理，投咗幅乾隆出巡獵鹿圖，成交價達三百多萬港元，而且創咗當地同類畫作嘅最高價紀錄。
根據拍賣行資料，呢幅畫原來係經香港運到澳洲拍賣，原作由傳教士朗世寧繪畫，而呢次拍賣價創出新紀錄，連拍賣行負責人都話有啲意外，重話若果喺香港拍賣，未必有咁好價錢喎！
（圖）呢幅乾隆出巡獵鹿圖，成交價達三百多萬港元。
傳真︰2623-9278
電郵︰