郭藹明、黃宗澤、姚樂怡和許紹雄昨日宣傳新劇時，大玩「玩新娘新郎」遊戲。當許紹雄用口咬開姚樂怡身上的絲巾時，他選擇接近胸部的絲巾，姚樂怡竟大呼對方伸脷，許紹雄聞言即說：「我不嬲都用脷㗎啦！」
郭藹明、黃宗澤、姚樂怡和許紹雄等昨日在將軍澳電視廣播城宣傳新劇《足秤老婆八両夫》。
郭藹明和黃宗澤穿上中式結婚禮服出現，眾人更玩「玩新娘新郎」遊戲，不過遊戲頗三級，其中姚樂怡將絲巾綁在身上，要男演員以口咬開。
當許紹雄咬開姚樂怡接近胸部的絲巾時，姚樂怡突然大叫：「你做乜伸脷呀？」許紹雄聞言即說：「我不嬲都用脷㗎啦。」
事後黃宗澤談到遊戲變得三級，他說：「我之前喺服裝間，姚樂怡已經同我講：『細佬，等陣益你呀』。」不過黃宗澤沒份玩遊戲，最終無福消受豔福。
黃宗澤在戲中的造型有點像《戇夫成龍》的郭晉安，他表示希望新劇跟《戇》劇一樣收視高企。黃宗澤又表示拍攝時，劉青雲曾到片場探班，他猶如小影迷般跟對方合照。
郭藹明接受訪問時透露一直想生仔，她說：「我一路都調理身體，想生ＢＢ，不過劉青雲成日都好忙，平時做嘢咁辛苦，重要佢體力透支咩？未得閒生住呀。」
而早前患癌的楊家洛，昨日精神頗佳，他表示下月會為新劇開工，之前做過電療，稍後再做掃描，他說：「我做咗化療六次，𠵱家情況好穩定，無綫都好體諒我，唔安排啲古裝武打戲畀我，畀啲舒服戲我拍。」
採訪：卓美娟 攝影：陳慧安
