上周六政府宣布委任一個獨立委員會，就平機會前主席王見秋炒人事件調查。政府搵人做調查檢討事件，本來好平常，而且成員入面有兩個會計師，話晒都係專業人士。不過，佢哋嘅政治背景，係唔係真正「獨立」，大有疑問，分分鐘又係近親繁殖嘅怪胎。
委員會內兩位會計師，一個係安永會計師事務所香港區主席胡定旭。佢同埋平機會事件主角之一、民政事務局局長何志平，都係相識多年嘅港區全國政協委員；另一會計師黎葉寶萍，就係保皇政黨港進聯核心人物。雖然獨立委員會主席譚尚渭嘅政治傾向唔算明顯，但以佢好好先生嘅性格，如果最後兩對一，睇嚟何志平都唔使擔心人頭落地。一個唔留神，咁又有得出術，呢個政府，都係冇得救。
傳真︰2623-9278
電郵︰