容祖兒昨日為保良局擔任兒童助養大使，一班小朋友爭先恐後，搶着與她合照，十分熱鬧。而容祖兒看見可愛的小朋友後，自言四十歲時也要生個女兒。
容祖兒（Joey）昨日到銅鑼灣保良局擔任兒童助養大使，宣傳兒童助養計劃，Joey大受在場的小朋友歡迎，她們爭相與偶像拍照，更出現爭位企的場面，有小朋友更肉緊地扯着Joey的耳環，Joey說：「我唔怕佢哋整到我，但就唔好打交。」
自言十分喜愛小朋友的Joey透露打算助養一名小女孩，她暫時亦未有生兒育女的衝動，不過現年二十三歲的Joey承認自己重女輕男，她說：「女仔可以傾扮靚，咁會投契啲，好似我同細佬𠵱家都亂晒軌道喇。」
Joey續道：「我諗自己起碼要到四字頭先會生ＢＢ，我唔怕有代溝，因為自己會保持心境唔老，為ＢＢ站喺潮流尖端囉！」提到生女可以與母親傾心事，那麼祖兒會否經常與母親密斟呢？她說：「唔使講大家都知，而且我都冇乜心事，所以唔會有抑鬱，最多係狂躁，我反而擔心我阿媽冇人同佢傾心事，佢成日喺屋企㗎。」
Joey日前表示由於電腦壞了，故此無法與男友甜言蜜語一番，對此她說：「我有個fans畀咗張解毒碟我，搞掂咗啦，不過我未同男友傾，只係send咗email多謝個fans。」Joey亦謂有意買電腦給母親消磨時間。
採訪、攝影：駱華齡
