噚日上網睇英國《泰晤士報》，見到個名好熟，原來係渣打集團行政總裁戴維思，佢入選一百位最有權勢人士排名榜，重排第八位咁勁！戴維思同香港關係密切，佢○一年調往英國前，係香港渣打揸弗人，重做過香港銀行公會主席。
《泰晤士報》訪問戴維思，問佢從商生涯中邊一段時間最重要，戴維思答係做香港銀行公會主席，因為令佢成為傳媒追訪對象，對一位從未受到相關培訓嘅人，係好大挑戰。
問到佢最尊敬嘅商界人物時，戴維思不避嫌地首個就提滙豐大班浦偉士，而李嘉誠亦都喺佢張list。順帶一提，其實香港渣打都有喜訊，剛獲《TheAsianBanker》雜誌選為香港最佳銀行。
傳真︰2623-9278
電郵︰