郭富城噚日以女童軍國際親善大使身份，到烏溪沙青年新村出席「世界女童軍協會第八屆亞洲太平洋區會議」，遇上身為女童軍會長嘅董太，佢哋重一齊負責為醒獅點睛㖭。
大家都估唔到董太拉住城城，雞啄唔斷，啲記者只係想影張佢哋兩個正經少少企定定嘅合照啫，都要三催四請先叫到佢倆埋位。
原來董太同城城好有緣，曾經喺好多大型嘅活動碰面。城城噚日好識做咁大讚董太熱心社會同關心市民，又話董太問佢可唔可以配合到出席一啲公益活動。城城話：「上次見面佢知我鍾意跳舞，所以我哋都會講吓音樂同舞蹈嘅嘢，但佢就冇叫我教佢跳舞，我估董太自己有上堂。」城城甩難，做唔成董太嘅伴舞男郎，佢前世真係積好多福。
（圖）董太捉住城城隻手，傾到雞啄唔斷。
駱華齡攝
傳真︰2623-9278
電郵︰