【本報訊】由威尼斯人投資的金沙賭場今日中午十二時開幕，投資者會親臨澳門主持開幕儀式，為澳門賭業寫下全新一章。
昨晚賭王何鴻燊出席於其葡京酒店招待第十六屆世界模特小姐大賽佳麗的晚宴上，被各大傳媒重重包圍，大家都欲知在葡京獨市經營賭業近半個世紀的他心裏怎樣想？何鴻燊表示，有新對手加入，收入固然有影響，「好難講收入會少幾多，不過肯定嘅係個餅會愈做愈大，希望係良性競爭啦，大家都係想帶旺澳門啫。」
至於與美國美高梅集團（MGM）的合作計劃，何鴻燊則說：「呢樣你要問番我個女。總之我對澳門前景有信心，良性競爭一人一份囉。」
有記者問賭王，究竟葡京會否依隨新對手更改賠率及賭場規矩？他表示，「我唔會跟人哋，我哋營運咗咁耐，西洋同特區政府都咁滿意我，冇理由要跟外國賠率，係都係佢哋跟我哋。」問他會否有計劃再開設另一賭場引入競爭？他的答案是：「唔知道，你哋問番澳門博彩委員會。」
另何鴻燊昨晚在招待世界模特兒佳麗的晚宴上致辭，不改妙語如珠本色，他一開腔便說：「今日（即昨日）澳門電視有人問我：『喂，人哋十八號開業，你就十七號搞個模特兒晚宴，係咪針對人先？』我就解釋得好清楚，係大會要求我哋參與呢個活動，我哋願意支持，藉此令全世界人認識澳門，豐富本地文化，可惜班佳麗下午先到，要油灰水畫眼線，要大家久等。」據知何鴻燊今日亦會出席金沙開幕活動。
