馬會自從夏佳理做咗主席之後，屢有新猷，咁多嘢搞，當然要打好同各方人士嘅關係啦！八方聽聞，傳媒之友楊志剛呢個星期四會正式到位，出任馬會對外關係嘅阿頭，主打係搞政府同政界關係。
呢科當然考唔起CK楊啦，佢老兄以前喺政府新聞處工作，係丘太愛將，做過立法局新聞組。CK前幾年移民澳洲，之後被人獵頭返港做西鐵高級經理，佢可能整定要澳港兩頭飛，做完西鐵，佢又飛返澳洲做TDC駐港代表，今次馬會夏叔要加強公關部門，又將CK獵回香港，走馬上任要職。
所以話，呢個世界最緊要自己掂，去到天腳底都有人搵你做嘢。
傳真︰2623-9278
電郵︰