最近有一個新政黨成立，叫做「社會進步黨」，不過呢個政黨都幾騎呢，十個政黨之中，有十一個都係會去參選，但係社進黨就唔玩立法會選舉，佢嘅第一炮反而係搞論文比賽。
黨魁陳華增話，現在連名嘴都要封咪，都係寫文較為有用。比賽獎金好豐富，只需寫一篇五千字、有關政制的論文，就有機會贏得頭獎十萬大元，模式就好似考中文咁，社進黨就出咗七條題目，每名「考生」要答兩條問題，只要識寫字嘅人都可以參加，題目包括分析循序漸進及一人一票嘅利弊，截稿日期係今年嘅七月二十九日。
比賽嘅二獎有五萬元、三獎有二萬元，安慰獎都有十名，每人可以分到三千元。冇嘢撈又識字嘅朋友，不妨報吓名，睇見特首施政報告嘅論述水準，睇怕攞頭獎唔會太難。
（圖）港九工團聯會李國強（右）贊助社會進步黨黨魁陳華增（中）舉辦政制論文比賽。
傳真︰2623-9278
電郵︰